Maxaa Ka Jira Wararka Sheegaya In Madaxweynaha Jabuuti Xaaladdiisa Caafimaad Liidato?

Saacadihii la soo dhaafay ayaa waxaa Baraha Bulshada lagu faafinayay in u xanuun soo wajahay Madaxwenaha dalka Jabuuti Ismaaciil Cumar Geelle, hayeeshee waxaa beenisay Warkaas Wasaaradda Arrimaha dibadda Jabuuti.

Qoraal uu bartiisa twitter-ka ku baahiyay Wasiirka Wasaaradda Arrimaha Dibadda ee dalka Jabuuti Mahamoud Ali Youssouf, ayaa wuxuu ku beeniyay wararka sheegaya in xaaladda caafimaad ee madaxweyne Ismaaciil Cumar Geelle ay liidato.

“Madaxweyne Ismaaciil Cumar Geelle wuu fiican yahay. Dhammaan wararka ku saabsan xaaladdiisa caafimaad waa kuwo xaqiiqda ka fog.” Ayuu ku yiri qoraalkiisa.

Waxa uu sidoo kale sheegay in madaxweynaha lagu samaynayo baaritaan caafimaad “sababtuna ay tahay nasasho la’aan maadaama uusan dalka ka bixin xagaagii oo dhan.”

“Madaxweyne Geelle wuxuu shaqadiisa ku soo laabanayaa maalmo gudahood, mana jiro walwal gaar ah oo la qabo” Ayuu wasiirka raaciyay.

Baraha bulshada ayaa tan iyo shalay waxa la isla dhex qaadayay warar sheegaya in xaaladda caafimaad ee madaxweynuhu ay liidato oo lagu dabiibayo isbitaal ku yaala magaalada Paris.

Xafiiska Wararka BoramaNews
BoramaNews.com

Related posts

Ninkii Dhirbaaxay Madaxwaynaha Faransiiska Oo Maxkamada La Soo Taagay Sheegayna Sobobta Uu U Dhirbaaxay Madaxwaynaha

Bnnstaff Bnnstaff

Muqdisho Oo Wadooyinkii La Xidhay iyo Ciidamo Lagu…

Mustafehaji

Wasiiro Sheegay In Xukuumada Muuse Biixi Ay Ku Faani Kari Wayday Waxqabadkeedii Iyo Sobobta

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More