Uhuru Oo Muhmal Galiyey Ka Bixitaanka Ciidankiisa Ku Sugan Soomaliya

Dowladda Kenya oo militerigeeda qaar kamid ah ay qayb ka yihiin howlgalka Midoowga Africa ee AMISOM ayaa markale u muuqata in ay si maldahan ay usoo bandhigtay, in ciidamadeeda ku sii sugnaan doonaan gudaha dalka soomaaliya.

Dowladda Ingariiska oo ka caabinaysa militeriga Kenya dar dar gelinta howlaha ciidamadeeda ay ka wadaan gudaha Soomaaliya ayaa iminka waxaa lagu wadaa, in dhawaan ay tababar ugu soo xirto gudaha Kenya ilaa 600 oo Askari oo dheeraad ah, oo Kenya ay soo gelinayso gudaha dalka Soomaaliya, rajana laga qabo in ay badalaan Askar kale oo mudo shaqaynayay.

Madaxwayne Uhuru Kenyatta oo wax laga waydiiyay halka uu marayo qorshaha uu ciidamadiisa difaaca kala baxayo Soomaaliya, ee uu horay u tilmaamay sanadka 2021ka horaantiisa in ay ku aadan tahay ayaa ku jawaabay, in ciidamadiisa ay Soomaaliya ka bixi doonaan marka xasilooni dhab ah laga dareemo dhulka Jamhuuriyada Federalka ah ee Soomaaliya.

Brigadier Joakim Mwamburi oo ka mid ahaa hoggaanka Kenya ee howlgalka AMISOM ayaa qaba in Kenya ay si wayn uga faa’idaysanayso tababarada ay la garab taagan tahay, dowladda UK oo ah kuwo ka caawinaya ciidamadooda ku sugan Soomaaliya in ay wiiqaan awoodda kooxaha argagixisada.

Julius Court oo ah wakiil ku xigeenka dowladda Britain u qaabilsan Kenya ayaa sheegay in dowladiisa ay si dhow ula socoto xaalada amni ee dalka Soomaaliya Kenyana ay wada shaqayn xoogaan oo dhanka nabadda Soomaaliya qusaysa ay la leeyihiin.

 

Xafiiska Wararka BoramaNews
BoramaNews.com

Related posts

Macnaha Astaamaha Ololaha Siyaasadeed Ee Doorashooyinka Afrika

Bnnstaff Bnnstaff

Faahfaahino Dheeraad Ah Oo Ka Soo Baxaya Gaadiid Xamuul Oo Lagu Gubay Gobolka Shabeelaha Hoose

Bnnstaff Bnnstaff

Dowlada Qatar Iyo Qaramada Midoobay Oo Ka Wada Hadlay Arimaha Somaliya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More