Farmaajo Oo War Kasoo Saaray Doorashooyinkii Golayaasha Ee Ka Dhacay Puntland

Madaxweynaha muddo xileedkiisa dhammaaday ee Maxamed Cabdullaahi Farmaajo ayaa ka hadlay doorashadii Golayaasha degaanka ee qofka iyo Codka aheyd ee maalin kahor ka dhacday saddex degmo oo ka tirsan dowlad Goboleedka Puntland.

Qoraal kasoo baxay Madaxtooyada ayaa waxa lagu sheegay in Farmaajo uu la xiriiray Guddoomiyeyaasha Ururrada Siyaasadda ee Puntland ee ku tartamay doorashada dadweynaha, isagoo ugu hambalyeeyey natiijada kasoo baxday doorashada qabsoontay.

Madaxweyne Farmaajo ayaa ku bogaadiyey Maamulka iyo bulshada Puntland, Guddiga Doorashada iyo Ururrada Siyaasadda ee ka qeyb-galay sida ay ugu midoobeen ka dhabeynta qorshaha dimuqraadiyeynta Puntland.
“Madaxweynaha ayaa ku bogaadiyey Maamulka iyo bulshada Puntland, Guddiga Doorashada iyo Ururrada Siyaasadda ee ka qeyb-galay sida ay ugu midoobeen ka dhabeynta qorshaha dimuqraadiyeynta Puntland oo tallaabadii ugu horreysay loo qaaday, isaga oo ku adkeeyey in ay sii ballaariyaan tijaabada” ayaa lagu yiri Qoraalka Villa oo aan lagu xusin Madaxda Ururada Siyaasadeed ee uu Farmaajo la xiriiray.

Guddoomiyeyaasha Ururrada Siyaasadda ayaa dhankooda uga mahadceliyey Madaxweynaha xiriirka uu la soo sameeyey iyo sida uu u dhirri-gelinayo hannaanka dimuqraadiyadeed, iyaga oo tilmaamay ifafaalaha wanaagsan ee arrintani ay u leedahay hannaanka siyaasadda dalka.

Tallaabada Farmaajo ugu hambalyeeyay doorashadii golayaasha degaanka ee ka dhacday Degmooyinka Qordho, Ufeyn iyo Eyl ayaa timid, kadib markii Madaxweynaha Puntland uu ku eedeeyay Madaxweyne Farmaajo in uusan ogoleyn doorasho qof iyo Cod ah, maadaama uusan Puntland ugu hambalyeen doorashadii dhacday.

Xafiiska Wararka BoramaNews
BoramaNews.com

Related posts

Yahuuda Oo Ku Hanjabtay Weerar Dhanka Dhulka Ah In Ay Ku Qaadi Doonto Falastiin

Bnnstaff Bnnstaff

Iraan Oo Dil Ugu Hanjabtay Madaxwaynihii Hore Ee Dalka Maraykanka Donald Trump

Bnnstaff Bnnstaff

Daawo Su’aalo Adag Oo Si Toos Ah Loo Waydiiyay Madaxwayne Farmaajo

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More