Maamulka Galmudug Oo Qeylo-Dhaan Deg-Deg Ah U Diray Dowladda Federaalka Iyo Sababta

Maamulka Galmudug ayaa ka hadlay abaaro baahsan oo ka jira degaano dhowr ah oo ka tirsan Gobolka Mudug gaar ahaan kuwo hoostega Magaalada Gaalkacyo ee Xaruntaas, kuwaasi oo saameyn ku yeeshay dadka degaanada.

Duqa degmada Gaalkacyo ee Galmudug Cabdiraxmaan Sheekh Xasan oo la hadlay warbaahinta ayaa waxaa uu sheegay in abaaro darran ay ka jiraan degmooyinka Jariiban iyo Goldogob ee Mudug, isla markaana saameyn xoogan ku yeelatay abaarta dadka iyo duunyada oo ay u baahan yihiin gargaar deg deg ah.

Waxaa uu Duqa Gaalkacyo sheegay in dadka ay abaarto heysto ay u baahan yihiin in gargaar la gaarsiiyo, maadaama aysan heysan wax ay cunaan, wuxuuna Carabka ku dhuftay in dadka beeraha lahaa uu sanadkaan Ayax ka xaalufiyey dalagoogii ay beerteen.

Duq Cabdiraxmaan Sheekh Xasan ayaa ugu baaqay Dowladda Fedeeaalka, Maamulka Galmudug, Hay’addaha Samafalka iyo dadka wax haysta inay gargaar deg deg ah la gaaraan dadka abaaraha ku saameeyeen degaano ka tirsan Gobolka Mudug.

Si kastaba deegaano iyo degmooyin ka tirsan Gobolada dalka ayaa waxaa xiligaan ka jira abaaro iyo biyo la’aan baahsan oo saameeyay dadka iyo duunyada, waxaana abaarta ugu adeg ay ka jirtaa Gobolada Maamulka Jubbaland, iyadoona ay la’deen xoolo badan

Xafiiska Wararka BoramaNews

BoramaNews.com

Related posts

Shirkii Ay Ku Baaqeen Maamulada Puntland Iyo Jubbaland Oo Baaqday Iyo Sababta

Bnnstaff Bnnstaff

Waa Nalaga Sifeeyay Saamigii Anu Xukuumada Ku Lahayn” Madaxda Dhaqmeedka Iyo Siyaasiyiinta Beesha Arab

Bnnstaff Bnnstaff

Midowga Yurub Oo War Kasoo Saaray Xaaladda Dalka Soomaaliya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More