Afhayeen U Hadlay Mucaaradka Tigray Ayaa Yidhi “Waxaan Ku Sii Siqeynaa Addis Ababa”

Afhayeen u hadlay mucaaradka Tigray ayaa sheegay in ciidamadooda ay ku sii siqayaan caasimadda Itoobiya ee Addis Ababa ilaa dowladdu ay qaaddo go’doominta ay gelisay gobolka waqooyiga dalkaasi ku yaalla ee Tigray.

Getachew Reda ayaa raadiyaha BBC Focus on Africa u sheegay in caqabadda keliya ee hortaagan nabadda Itoobiya ay tahay “ku dhegganaanta Abiy Axmed ee in qaab militari loo xalliyo wax dhibaato siyaasadeed ah”.

Mcaaradka ayaa ku sii siqayay caasimadda, iyadoo dowladdu ay dadka deggan Addis Ababa ugu baaqeysay inay is abaabulaan oo ay is difaacaan.
Getachew ayaa sheegay in ujeedkood augu weyn “uusan keliya ahayn Addis Ababa ee uu yahay in Abiy lagu qasbo inuu go’doominta ka qaado dadkooda”.

“Waxay u taallaa Abiy inuu haa ama maya dhoho dalabaadkeenna…dagaalkana uu soo afjaro,” ayuu yiri Afhayeenka Ciidamada Xoreynta Dadka Tigray (TPLF).

Afhayeenka ayaa sheegay in madaxweynihii hore ee Nigeria, Olusegun Obasanjo, oo ku sugan Itoobiya si uu u dhexdhexaadiyo labada dhinac inay dagaalka soo afjaraan, uu wada hadalo miro dhalay la yeeshay hoggaamiyaha TPLF Debretsion Gebremichael.

Wuxuu sheegay in hoggaamiyaha TPLF “uu sharraxaad ka bixiyay ujeedkooda”.

 

Xafiiska Wararka BoramaNews
BoramaNews.com

 

Related posts

” Xirsi Qiyaamihiisi Ayuu Ku Jira ” Afhayeenka Xisbiga Kulmiye C/Naasir Buuni Oo Eedaymo Culus U Jeediyay Gudoomiye Xirsi

Bnnstaff Bnnstaff

Shirkadda Twitter-Ka Oo Gabi Ahaanba Hawada Ka Saartay Cinwaankii Trump Iyo Sababta

Bnnstaff Bnnstaff

Wasiir Ka Tirsan Xukuumada Maamulka Puntland Oo Geeriyooday

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More