Doorashada Qaar Ka Mid Ah Kuraas Ka Tirsan Golaha Shacabka Oo Maanta Ka Dhaceysa Dhuusamareeb

Magaalada Dhuusamareeb ee Caasimadda Maamulka Galmudug ayaa waxaa lagu wadaa in Maanta oo khamiis ah ay ka dhacdo doorashada laba kursi oo kamid ah kuraasta Golaha Shacabka Baarlamaanka 11-aad ee dowladda Soomaaliya.

Guddiga doorashada Galmudug ayaa xalay shaaca ka qaaday in doorashada Maanta ka dhaceysa ay kuraastooda kala yihiin Hop043 iyo Hop067, waxaana kuraastaas loo diiwaan-geliyay Musharaxiin dhowr ah oo isku soo sharaxay inay u tartamaan.
Kursiga tirsigiisu yahay Hop067 ayaa waxaa afartii sanno ee lasoo dhaafay ku fadhiyey Xildhibaan Caddoow Cali Gees, waxaana haatan Musharaxiinta ku tartameysa kamid ah Taliyiha KMG ah ee Hay’adda Nabadsugida iyo Sirdoonka Qaranka ee NISA Yaasiin Fareey.

Doorashada kuraastan Maanta ka dhaceysa Magaalada Dhuusamareeb ee Caasimadda Maamulka Galmudug ayaa waxaa yihiin kuwo natiijadooda la sii ogyahay oo xubnaha ku soo baxaya ay calaameysan yihiin.

Shalay ayey aheyd markii doorashada laba kursi oo ka tirsan Golaha Shacabka Baarlamaanka Federaalka ay ka dhacday Dhuusamareeb, isla markaana waxaa kursiga tirsigiisu Hop104 ku soo kala baxay Mahad Cabdalla Cawad, halka Yuusuf Geelle Ugaas isna la doortay.

 

Xafiiska Wararka BoramaNews
BoramaNews.com

Related posts

Puntland Oo Xukuno Ku Riday Dooma Lagu Soo Qabtay Kaluumaysi Sharci Daro Ah

Bnnstaff Bnnstaff

Madaxwayne Joe Biden Oo Raali Galin Ka Bixiyay Ciidamo La Sheegay Inay Seexdeen Goob Baabuurta La Dhigto

Bnnstaff Bnnstaff

Madaxwaynaha Dalka Maraykanka Oo Digniin U Diray Dhigiisa Ruushka

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More