Ilo Warbaahin ayaa sheegay inuu Madaxweynaha Turkiga Rajab Dayib Erdogan uu booqasho rasmi ah ku tegi doono Caasimada dalka Qatar ee Doha bishan December 6-da ilaa 7-da.
Waxa uu Kulan Khaas ah la yeelan doonaa Amiirka dalkaasi, Sheekh Tamiim Bin Xamad Al-Thaani, iyagoo ka wada arrinsan doona Xiriirka Labadooda Waddan, Arrimaha Mandiqada, Xaalladda Ammaanka ee dalka Afganistan iyo Danaha Guud ee Iskaashiga Turkiga urkiga iyo Qatar ee dhinacyada Iskaashiga, Dhaqaalaha iyo Ammaanka.
Labada Hoggaamiye ayaa waxaa la filayaa inay isla eegaan Qorshaha ay Ciiddanka Turkiga qeyb kaga noqon doonaan sugida Ammaanka ee Garoomada Ciyaaraha ee lagu qaban doono Tartanka K/Cagta ee Koobka Adduunka oo ay Qatar marti-gelinayso Bartamaha sanadka soo socda ee 2022-ka.
Dhinaca kale, Madaxweyne Erdogan ayaa waxa u qorsheysan inuu booqdo dalka Imaaraadka Carabta bisha Feberaayo ee sanadka soo socda, si loo sii ambaqaado Xiriirka soo hagaagayo ee Labada dal.
Dowladda Imaaraadka ayaa waxaa waxay isbuucii hore ku dhawaaqday Maalgashiga Cusub ee ay Turkiga la saxiixdeen.
Xafiiska Wararka BoramaNews
BoramaNews.com
