Dowladda Soomaaliya Oo Taageero Ka Dalbatay Taliska Howlgalada Ee Midowga Yurub

Wasiirka Wasaaradda Gaashaandhigga Xukuumadda xilgaarsiinta Xasan Xuseen Xaaji oo uu wehliyo Taliyaha Ciidanka Xoogga dalka Jeneraal Odawaa Yuusuf Raage ayaa kulan la qaatay Saraakiil ka socotay Taliska Howlgalka Midowga Yurub ee Soomaaliya.

Kulanka ayaa waxa ay ugu wada hadleen xoojinta xiriirka iskaashiga ee ka dhexeeya labada dhinac iyo sidii ciidanka iyo Midowga Yurub ay isaga kaashan lahaayeen howlgallada ka dhanka ah Al-shabaab.
Inta uu socday kulanka ayaa waxaa laga sheegay in muhiim ay tahay in Midowga Yurub ay laba jibaaraan Taageeradda ay siiyaan ciidanka xoogga dalka Soomaaliya oo ku jira diyaar garoowgii ugu dambeeyay ee la wareegidda Amniga Guud ee Dalka.

Wasiirka Wasaaradda Gaashaandhigga Xukuumadda xilgaarsiinta Xasan Xuseen Xaaji iyo Taliye Odawaa Yuusuf Raage ayaa Midowga Yurub uga mahadceliyay taageerada ay siiyaan dowladda Federaalka Soomaaliya oo ku saleysan dhinacyo kala duwan.

Jeneraal Odawaa Yuusuf Raage ayaa tilmaamay in loo baahan yahay in Midowga Yurub ay sii dardar-geliyaan taageerada ay siiyaan Ciidanka dowladda Federaalka, si Ciidamada iyo Taliska howlgalka Midowga Yurub isaga kaashadan howlgallada ka dhanka ah Al-shabaab.

Xafiiska Wararka BoramaNews
BoramaNews.com

Related posts

Qaar Ka Mid Ah Dadkii Ay Abaartu Saamaysay Reer Puntland Ayaa La Sheegay In Ay Nafta Is Dhaafiyeen

Bnnstaff Bnnstaff

C/raxmaan C/Shakuur “Muqdisho Maalmo Xanuun Badan Ayaa Lu Soo Wajahan”

Bnnstaff Bnnstaff

Raysal Wasaare Ku Xigeenka Somaliya Oo Daahfuray Imtaxaanka Shahaadiga Ah Ee Dugsiyada Sare

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More