Madaxweyne Lafta-Gareen Oo Soo Gaaray Magaalada Muqdisho Iyo Ujeedkiisa

Madaxweynaha dowlad Goboleedka Koonfur Galbeed Soomaaliya Cabdicaiis Xasan Maxamed Lafta-gareen iyo wafdi uu hoggaaminayo ayaa galabta soo gaaray Magaalada Muqdisho, iyadoo soo dhaweyn loo sameeyay Madaxweynaha.

Garoonka diyaaradaha Aadan Cadde ayaa Madaxweyne Lafta-gareen kusoo dhaweeyay Wasiiro ka tirsan Xukuumadda xilgaarsiinta, Guddoomiye ku-xigeenka amniga iyo siyaasadda Gobolka Banaadir iyo Mas’uuliyiin kale oo ka tirsan dowladda Federaalka.
Ujeedka Madaxweynaha Koonfur Galbeed ayaa waxaa uu yahay ka qeyb galka Shirka uu iclaamiyey Ra’iisul Wasaaraha Xukuumadda Maxamed Xuseen Rooble oo ka dhacaya Muqdisho, kaasi oo looga hadli doono saxida doorashada iyo dhammeytirkeeda.

Magaalada Caasimadda ah ee Muqdisho ayaa waxaa ku sugan Madaxweyneyaasha maamulada Jubbaland, Puntland, Hirshabeelle iyo Galmudug, iyagoo ka qeyb galaya Shirka doorashada ee uu dhawaan ku baaqay Ra’iisul Wasaare Rooble.

Madaxweyne Lafta-gareen ayaa todobaadkii hore si cad u diiday inuu ka qeyb galo shirka Wadatashiga Qaran ee uu ku baaqay Ra’iisul Wasaaraha, isagoo xusay inuu ka qeyb galayo shirka uu Madaxweyne Farmaajo ku baaqay, oo ahaa mid lagu dhabar jebinayay shirka uu horay u iclaamiyay Ra’iisul Wasaaraha.

Related posts

Xisbiga Mucaarika Ah Ee Ucid Oo War Ka Soo Saaray Colaada Deegaank Shidan Ee Gobolka Sanaag

Bnnstaff Bnnstaff

Maxay Tahay Sababaha Qarsoon Ee Eryida Ergayga Midowga Afrika Soomaaliya, Maka Baxayaa Dalka Mise?

Bnnstaff Bnnstaff

Muuse Biixi Oo Qaabilay Wafti Ka Socda Dalka Jabuuti Iyo Ujeedada Socdaalka Waftigaasi

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More