Maxay Ka Wada Hadleen Madaxweyne Saciid Deni Iyo Guddiga Doorashooyinka Puntland?

Madaxweynaha dowlad Goboleedka Puntland Siciid Cabdullaahi Deni, ayaa xalay Xarunta Madaxtooyada Magaalada Garoowe ee Caasimadda Maamulka ku qaabilay Guddiga KMG ah ee Doorashooyinka Puntland (TPEC),

Kulanka ayaa waxaa looga hadlay dhismaha Goleyaasha deegaanka ee degmooyinka Qardho, Ufeyn iyo Eyl iyo sidoo kale dardargelinta Doorashada in laga qabto degmooyinka kale ee Puntland.

Madaxweyne Saciid Cabdullaahi Deni ayaa waxaa uu sheegay inay ka go’an tahay in dhammaan deegaannada Puntland ka qabtaan doorasho qof iyo Cod ah, ayna arrintaas tahay go’aan dastuuri ah oo la gaaray 1998-dii
Madaxweynaha ayaa faray Masuuliyiinta Hay’addaha ee ay khuseyso, in lagala shaqeeyo Guddiga Doorashada dhismaha goleyaasha deegaanka ee degmooyinka Qardho, Ufeyn iyo Eyl oo dhakhso la qabanayo.

Sidoo kale Madaxweyne Saciid Deni ayaa tilmaamay in loo baahan yahay in la dardar-geliyo qorshaha doorashada looga hirgelinayo dhamaman degmooyinka kale ee Puntland.

Kulanka waxaa ka qeybgalay Guddoonka cusub ee Guddiga Doorashooyinka TPEC, Guddoomiye Cabdirisaaq Axmed Saciid , Guddoomiye Ku-xigeen Cali Jaamac Faarax, xubnaha kale ee Guddiga iyo
Wasiirka Wasaaradda Arrimaha Gudaha Maxamed Cabdiraxmaan Dhabancad.

Related posts

General Xaftar Oo Qorshaynaya Weeraro Cusub Oo Uu Ku Soo Qaadayo Magaalooyinkii Laga Qabsaday

Bnnstaff Bnnstaff

Maayirka Gabilay Oo Hadhimo Sharafeed Ku Maamuusay Kooxda Maqalka Naafada Ka Ah Ee Gobolka Awdal

Bnnstaff Bnnstaff

Qarax Khasaare Dhaliyay Oo Ka Dhacay Duleedka Magaalada Muqdisho Iyo Faahfaahino Ka Soo Baxaya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More