Milatariga Dalka Burkina Faso Oo La Sheegay In Ay Xabsiga Dhigeen Madaxwaynihii Dalkaasi Ee Roch Kabore O

Madaxweynaha Burkina Faso, Roch Kabore, ayaa lagu soo waramayaa in ay xabsiga dhigeen askar ka tirsan ciidamada gadoodsan.

Qaar ka mid ah ciidamada ku sugan dalka Galbeedka Afrika ayaa dalbaday in shaqada laga eryo taliyayaasha ciidamada xilli rasaas laga maqlay agagaarka madaxtooyada iyo caasimadda Ouagadougou.

Hase yeeshe, dowladda ayaa beenisay wararka sheegaya afgambiga militariga ama in madaxweynaha la xiray

Farriimo lagu baahiyey barasha bulshada ayaa sheegay in madaxweyne Roch Kabore la xiray laguna baddalay sarkaal ka tirsan ciidamada lugta oo magaciisa lagu sheegay Corneel Paul Henri Sandaogo Damiba, inkasta oo aan warkaasi weli la xaqiijin.

Mar sii horreysayna shacabka magaaladaasi deggan iyo wariyeyaashuba waxay sheegayeen iney maqlayaan rasaas dhaceyso iyo diyaaradaha qumaatiga u kaca oo magaalada dul heehaabaya.

Madaxweyne Roch Kabore waxaa shacabka iyo ciidamada qalabka sidaba uga imanayey cadaadis ku aaddan iney dowladdiisu ku guul darreysatay wax ka qabashada kooxaha Islaamiyiinta xagjirka ah.

Related posts

Booliska Magaalada Burco Oo Xabsiga Dhigay Masuuliyiinta Maqaaxiyaha Shaaha Ee Burco Iyo Sobobta

Bnnstaff Bnnstaff

Walee Haduu Idilayo Najma Aan Raace Kama Hadhayo” Hoyo Oyaysoo Ka Warantay Sidii Loodilay Inateeda

Haldoorka Gobolka Soo Oo Madaxwayne Axmed Modoobe Ka Codsaday In Uu Soo Cadeeyo Cidii Ka Dambaysay Dilkii Sheekh Cabdinaasir

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More