Mas’uuliyiin Iyo Musharaxii Xildhibaan Oo Ku Dhintay Qaraxii Baladweyne Iyo Magacyada Masuuliyiinta Dhintay

Khasaaro isugu jira dhimasho iyo dhaawac ayaa ka dhashay qarax Is-miidaamin ahaa oo Maanta ka dhacay Maqaayad ku taalla bartamaha Magaalada Baladweyne ee Xarunta Gobolka Hiiraan, waxaana jugta qaraxa siweyn looga maqlay xaafaddaha Magaalada.

Qof isku soo xiray Jaakad waxyaabaha qarxa ah ayaa isku dhex qarxiyey Maqaayad lagu magacaabo Xasan Dhiif, xili ay ku sugnaayeen dad farabadan oo isugu jiray Mas’uuliyiin ka tirsan Maamulka Gobolka Hiiraan, Musharaxiin Xildhibaano iyo dad kale.

Inta la xaqiijiyay ku dhowaad 18 qof ayaa ku dhintay qaraxa Is-miidaaminta ahaa, halka labaatameeyo kalena ay dhaawacyo soo gaareen, kuwaasi oo qaarkood gacanta lagu geeyay Isbitaalka weyn Baladweyne oo Maanta mashquul badan uu ka jiro.
Dadka qaraxa ku dhintay ayaa waxaa kamid ah Guddoomiye ku-xigeenkii Maamulka iyo maareeynta Gobolka Hiiraan Cabdirashiid Sheekh Cali, Guddoomiye ku-xigeenkii Arrimaha Bulshada Baladweyne Cabdiraxaam Maxamed Xuseen, Musharax Xildhibaan Maxamed Cabdullaahi Abtiyow iyo Musharax Xildhibaan Dayab Qanyare Ibraahim.

Sidoo kale dadka ku naf-waayay qaraxa ayaa waxaa ku jiray Dr Mustaf Rashiid iyo Ustaad Maxamed Macow foodcade oo kamid ahaa macalimiinta aadka looga yaqaanay Baladweyne, waxaana dhammaaday dadkaas mas’uuliyiinta iyo dadka kaleba ay waxyeelada kasoo gaartay qaraxa ay ku sugnaayeen goobta uu qaraxu ka dhacay.

Waa markii ugu horreysay oo qarax nuucaas ah oo ka dhaco Magaalada Baladweyne ee Xarunta Gobolka Hiiraan tan iyo markii laguda galay arrimaha doorashada dalka, sidoo kale waxa uu weerarkaan ku soo aadayaa iyadoo aad loo adkeeyay ammaanka Magaalada.

Related posts

Madaxwayne Muuse Biixi Oo Safar Ugu Ambabaxay Dalka Jabuuti Iyo Ujeedada Socdaalkiisa

Bnnstaff Bnnstaff

Warbixin Xiiso Leh:- Maxay Ku Kala Duwan Yihiin Haasaawaha Imiika Iyo Haasaawihii Hore?

Bnnstaff Bnnstaff

Diiwaan Galinta Codbixiyaasha Doorashooyinka Somaliland Oo Laga Bilaabay Gobolka Awdal

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More