Ergeyga Gaarka ah ee Qaramada Midoobay ee Soomaaliya James Swan ayaa kulan la qaatay Guddoomiyaha Arrimaha Siyaasadda, Amniga & Nabadgelyada ee Midowga Afrika Danjire Bankole Adeoye oo ku sugan Magaalada Muqdisho.
Kulanka ayaa labada mas’uul waxaa ay uga hadleen Arrimo kala duwan oo ay kamid yihiin muhiimada doorashada Soomaaliya, xaaladda kala guurka ee AMISOM iyo xoojinta iskaashiga Midowga Afrika iyo Qaramada Midoobay..
Guddoomiyaha Arrimaha Siyaasadda, Amniga & Nabadgelyada ee Midowga Afrika ayaa tilmaamay in muhiim tahay dardar-gelinta doorashada ka socota dalka Soomaaliya gaar ahaan Golaha Shacabka oo gaba-gaba ku dhow.
Danjire Bankole Adeoye iyo wafdi uu hoggaaminayo ayaa dhawaan soo gaaray Magaalada Muqdisho, wuxuuna socdaalkiisa kusoo aaday, iyada oo todobaadyo kaddib uu xilka ka dhammaanayo howlgalka Ciidamada AMISOM, loona diyaar garoobayo in 15 sano kaddib howlgalkii AMISOM loo bedelayo ATMIS.
