Xukuumada Raysal Wasaare Rooble Oo Mar Kale Qaaday Talaabo Ka Dhan Ah Ergayga Midawga Africa Ee Somaliya

Wasaaradda Amniga Gudaha ee Soomaaliya ayaa fartay Hey’adda Socdaalka iyo Jinsiyadda Soomaaliya in ay “kala laabato waraaqaha dal-ku joogga, kuna wargeliso Danjire Francisco Madeira, dib danbena looma siin karo waraaqaha dal ku galka,” sida lagu yiri qoraal ka soo baxay Wasaaradda Amniga.

Warqaddan amarka ah oo uu ku saxiixan yahay wasiirka Amniga Soomaaliya Cabdullaahi Maxamed Nuur ayaa sidoo kale lagu faray agaasimaha hay’adda socdaalka in uu ku wargeliyo dhamaan dhinacyada ay quseyso in dalka aan la keeni karin Danjire Madeira, iyadoo loo cuskaday amarkan go’aankii Khamiistii ka soo baxay Xafiiska Ra’iisulwasaaraha ee lagu sheegay in Danjire Madiera loo aqqoonsaday qof aan laga rabin Soomaaliya.

Sidoo kale, wasaaradda amniga ayaa fartay dhammaan hay’adaha amniga in uusan Danjire Madeira dalka soo geli karin “maadaama uu yahay qof aan laga rabin dalka.”
Dhanka kale, wasiirka amniga ayaa warqaddan ku sheegay in dowladdu ay si kumeel gaar ah u xirtay “dhammaan howlihii terminaalka MOVCOM” ilaa amar danbe.

Go’aankan ka soo baxay wasaaradda amniga ee Soomaaliya ayaa imanaya saacado ka dib markii Guddoomiyaha Guddiga Midowga Africa Moussa Faki Mahamat uu qoraal uu soo saaray kaga horyimid go’aankii uu dhowaan Xafiiska Ra’iisul Wasaaraha Soomaaliya ka soo saaray “maqaamka” Wakiilka Gaarka ah ee Midowga Afrika ee Soomaaliya Danjire Francisco Caetano Madeira.

Guddoomiyaha ayaa soo dhoweeyay qaraarkii uu Madaxweyne Farmaajo kaga horyimid in dalka laga ceyriyo Danjire Madeira, uuna ku sheegay in uu sii wadayo wadashaqeynta danjiraha.

Related posts

Dowladda Somalia Oo UK ka Codsatay Ka Taageerida La Dagaalanka Al-Shabaab

Bnnstaff Bnnstaff

Maxay Tahay Sobobta Uu Joe Biden Wasiirka Difaaca Ugu Macaabay Sargaalka Madawga Ah Iyo Xogo Kale

Bnnstaff Bnnstaff

Miyuu Putin Baadi Goobayaa Isbaheysi Carbeed Si Uu Uga Hortago Cuna Qabteynta Reer Galbeedka?

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More