Ruushka Oo Farriin u Diray Ciidamada Ukraine Ee Ka Dagaalamaya Mariupol

Ruushka ayaa ciidamada Ukraine ugu dambeeya ee difaacaya magaalada aadka loo duqeeyay ee Mariupol u sheegay in ay naftoodu la badbaadin doono haddii ay isa soo dhiibaan saacadaha soo socda.

Afhayeenka wasaaradda difaaca ee Ruushka Igor Konashenkov ayaa sheegay in ciidamadoodu ay magaalada ka sifeeyeen wax walba oo iska caabin ah, marka laga reebo biraha daadsan waddoyinka.

Ruushka ayaa si rasmi ah ugu digay Maraykanka iyo xulafadiisa hubka ku taageera Ukraine.

Qoraal diblomaa siyadeed oo ay Moscow u dirtay Washington, oo nuqul kamid ah ay darseen warbaahinta Maraykanka ayaa lagu sheegay in hubka lagu taageero Ukraine ay ka dhalan karto “cawaaqib aan la saadaalin karin”.

Qoraalka oo la diray Talaadadii ayaa ku soo beegmay xilli ay soo baxeen warar sheegaya in Maraykanka uu taakulo milateri oo dhan 800 oo milyan oo dollar uu u dirayo Ukraine.

Waxaa hubkaas kamid ah madaafiicda goobaha fog duqeeya, si xukuumadda Kyiv ay ugu babac dhigto awoodda milateri ee Ruushka.

Sarkaal sare oo ka tirsan dowladda Maraykanka ayaa sheegay in digniinta Ruushka loo fasiran karo in kaalmada milateri ee la siiyay Ukraine ay wax badan ka tartay furimaha dagaalka.

Kaalmada milateri ee Maraykanka ayaa la filayaa in maalmaha soo socda ay gaarto Ukraine, xilli ciidamada Ruushka ay isku urursanayaan bariga dalkaas si ay duullaan ballaaran ugu qaadaan gobolka Donbas todobaadyada soo socda.

Related posts

Shaqaalaha Ka Hawlgala Isbitaalka Borama Oo Loo Furay Tobabar Kor Loogu Qaadayo Qaabka Ay Ula Macaamiili Lahaayeen Bukaanada Qaba Xunuunka Dhimirka

Bnnstaff Bnnstaff

Dowlada Somaliya Oo Si Adag Uga Hadashay Hub Ay Sheegtay In La Soo Galinayay Gudaha Somaliya

Bnnstaff Bnnstaff

Mareykanka Oo Soomaaliya Ka Taageeraya Kobcinta Dhaqaalaha Iyo Wax Soo-Saarka Badda

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More