Rooble Oo Si Kulul Uga Hadlay Falkii Lagu Beegsaday Guddoomiye Dhabancad, Digniina U Diray Taliyeyaasha Ciidamada

Ra’iisul Wasaaraha Xukuumadda Federaalka Soomaaliya ee xilgaarsiinta Maxamed xuseen Rooble ayaa sheegay inuu aad uga xun yahay ficillada gurracan iyo isku dayada is daba joogga ah ee lagu carqaladeynayo habsami u socodka doorashooyinka.

Qoraal kasoo baxay Xafiiska Ra’iisul Wasaaraha ayaa waxaa lagu sheegay in ficilladii uu ugu dambeeyay isku daygii maanta lagu beegsaday Guddoomiyaha KMG ah ee Golaha Shacabka, Howlwadeennada Golaha Shacabka iyo 16-kii xildhibaan ee dhawaan lagu doortay degmada Ceelwaaq ee Gobolka Gedo.
Ra’iisul Wasaare Maxamed Xuseen Rooble ayaa waxaa uu uga digay taliyeyaasha CIidammada Booliska iyo Nabad Sugidda in ay ku lug yeeshaan falalka gurracan ee lagu carqaladeynayo habsami u socodka doorashada oo heer gebogebo ah mareysa, shacabka Soomaaliyeedna waxa uu ka codsaday in ay isha ku hayaan dadka ka dambeeya abaabulka falalka lagu carqaladeynayo dhammeystirka doorashada.

Ra’iisul Wasaare Rooble oo khadka telefoonka kula hadlay Guddoomiyaha KMG ee Golaha Shacabka ayaa ku bogaadiyay sida geesinimada leh ee guddoonka KMG ee labada aqal u wadaan howsha doorashada, kuna dhiirrigeliyay in ay waajibaadkooda gutaan.

Ugu dambeyn Ra’iisul Wasaaruhu ayaa waxa uu xusuusiyey xildhibaannada BJFS inay in ay saaran tahay mas’uuliyadda ugu sarreysa ee dalka waxa uuna ku dhiirrigelinayaa in ay u miboobaan dhammeystirka doorashada dalka si looga gudbo marxaladdan adag.

Related posts

Kulmiyihii La Yaqaanay Ayaa Halkan Isgugu Yimid Maxamuud Xaashina”Maxamuud Xuuto

Bnnstaff Bnnstaff

Engineerkii Sameeyay Diyaarada Drone-ta Ee Dalka Turkiga Oo Bilada Geesinimo La Gudoonsiiyay

Bnnstaff Bnnstaff

“Beeshaydu Waxay Kamid Tahay Beelaha Somaliland Lagu Dulmiyay Waligeed….” Xildhibaan Axmed Timo-jilic.

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More