Safiirka Shiinaha Ee Somaliya Oo Farriimo Adag Warbaahinta U Mariyay Taiwan Iyo Somaliland.

Dawladda Shiinaha ayaa sii wadda Farriimaha adag ee Hawada u marinayso Taiwan, tan iyo markii ay xidhiidhka diblumaasiyadeed la samaysatay Jamhuuriyadda Somaliland.

Safiirka Caasimadda Soomaaliya u fadhiya Jamhuuriyadda Dadka Shiinaha Amb. Qin Jian ayaa saddexdii Maalmood ee u dambeeyay wuxuu Internet-ka ku baahinayey hadallo adag, kuwaasi oo lid ku ah Dawladda Taiwan, isagoo ku celceliyey in Taiwan oo hore uga go’day Shiinuhu ay weligeedba ka mid sii mid ahaan doonto.

Safiirku wuxuu sheegay inaan China weerarrin dalalka kale, laakiin aanay ogolaanayn in China la weerarro “China ma weerarri doono dalal kale, laakiin weligii ma ogolaan doono inuu dalna weerarro China. China ma dhiirigeliyo khilaafaadka, laakiin weligii kama baqdo..”ayuu yidhi, waxaanu intaa ku daray “Madax-bannaanida dhuleed, waxay la xidhiidhaa Sharafta dalka iyo Qaranka. Waddan walba wuxuu si adag u ilaalin doonaa Madax-banaanidiisa dhuleed, weligiina ma lumin doono Taako dhul ah..”

Safiir Qin Jian oo si is xig-xigta qoraallo luqad adag ku qoran ugu baahiyey barta uu ku leeyahay Twitter-ka ayaa waxa kale oo uu sheegay “China wuxuu leeyahay Taariikh iyo dhaqan 5000 kun sano ah, Taiwan waxay ahayd dhulka China 5000 kun sano ka hor, waxayna ka sii mid ahaan doontaa dhulka China illaa dunida la rogo.” Ayuu yidhi, waxaanu intaa sii raaciyey “China wuxuu diyaar u yahay inuu sameeyo Wax walba Qiimo kasta ha ku kacee, Marna uma ogolaanayo Taiwan inay ka go’do dhulka China, waxaanuna si adag u difaaci doonaa dhulkayaga Qaran..”

Dagaalka siyaasadeed iyo ka Warbaahinta ee Shiinuhu ku hayo Taiwan ayaa sii xoogaystay intii ka dambaysey xidhiidhka diblumaasiyadeed ee ay yeesheen Taiwan iyo Somaliland, kuwaasi oo is-dhaafsaday Wakiillo u kala jooga Hargeysa iyo Tiapea.

 

Xafiiska Wararka BoramaNews
BoramaNews.com

Related posts

Golaha Wakiilada Somaliland Oo Maanta La Hor Geeyay Miisaanad Sanadeedka 2021

Bnnstaff Bnnstaff

Xildhibaano Si Adag Uga Hadlay Dadka Shacabka Ah Oo Isku Qoys Ah Oo Lagu Laayay Warsheekh

Bnnstaff Bnnstaff

Xukuumada Muuse Biixi Oo Ka Digtay Duufaano La Sheegay In Ay Ku Soo Waajahanyihiin

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More