Deg Deg: Weerar Ka Dhacay Dalka Faransiiska Iyo Dad Ku Dhintay Weerarkaasi

Saddex qof ayaa ku dhintay weerar toorrey loo adeegsaday oo ka dhacay magaalada Nice, ee dalka Faransiiska.

Duqa magaalada Nice Christian Estrosi ayaa sheegay in hal qof loo xiray weerarkan oo goor dhow dhacay.

Wasiirka arrimaha gudaha dalkaas Gérald Darmanin ayaa ka codsaday dadka inay ka fogaadaan goobta oo ku taalla bartamaha magaalada Riviera ee dalkaasi Faransiiska.

Sida ay sheegayaan wararka ka imaanaya Faransiiska, haweeney iyo nin ayaa ku dhintay weerarka, qof looga shakiyay inuu weerarka fuliyay ayaana la xiray 10 daqiiqo kaddib.

Booliiska ayaa sheegay in mid ka mid ah haweenka ku dhintay la gowracay.

Duqa magaalada Nice ayaa weriyeyaasha u sheegay in eedeysanaha “uu ku celcelinayay” ‘Allahu Akbar’.

Daqiiqad aamusnaan ah ayay galeen dadkii ku sugnaa shirka barlamaanka dalkaas, oo uu Ra`iisul Wasaaraha Faransiiska Jean Castex uu ka jeedinayay khudbad.

Nice waxay xuddun u ahayd mid ka mid ah weerarradii ugu ba`naa ee sanadihii la soo dhaafay ka dhacay Faransiiska, iyadoo 14-kii July sanadkii 2016 nin 31 sano jir ah oo u dhashay dalka Tunisia uu gaari xamuul ah dardarsiiyay dad ku sugnaa goob ay xaflad ka dhacaysay, taas oo ay ku dhinteen 86 qof.

 

Xafiiska Wararka BoramaNews
BoramaNews.com

Related posts

Xildhibaan Guruuje Oo Si Adag Ugu Jawaabay Wasiirka Wasaarada Gaashaandhiga Somaliland Oo Eedaymo U Jeediyay

Bnnstaff Bnnstaff

Siyaasiyiinta Madasha SNM Oo Muuse Biixi Ugu Baaqay In Uu Furo Xisbiyadii Siyaasada

Bnnstaff Bnnstaff

Maraykanka Oo Markale Jawaab Ka Bixiyey Weerarkii Ceel-Baraf

This website uses cookies to improve your experience. We'll assume you're ok with this, but you can opt-out if you wish. Accept Read More