Maxkamada Sare Ee Hindiya Oo Amar Dul-dhigtay Haweeneydii Nabiga Aflagaadeysay

Maxkamadda sare ee dalka Hindiya ayaa amar ku bixisay in afhayeenki hore ee Xisbiga BJP Nupur Sharma ay telefishinka qaranka ee dalkaas iyadoo ka soo muuqaneysa ay raalligelin rasmi ah ka bixiso aflagaaddadi ay Nabiga (NNKH) u geysatay.

Maxkamadda sare ee dalka Hindiya oo maanta dhageysatay dacwadda aflagaaddadii ay Nabi Muxammed (NNKH) u geysatay haweeneydaas ayaa bixisay amar aysan Sharma ku farxin.

Dhegeysiga dacwadda oo uu horkacayay garsooraha maxkamadda sare Surya Kant, waxaa goobjoog ka ahaa xubno Xisbiga BJP ka tirsan.
Maxkamaddu ayaa sheegtay, “Carrabka Sharma inuu silbaday. Ereyadii foosha xumaa oo ka soo yeerayna ay gilgileen dalka Hindiya oo dhan. Ugu dambeyntiina, waxaa ka dhashay falal ay ka mid yihiin dilkii ka dhacay magaalada Udaipur.”

Qareenka u doodaya Napur Sharma wuxuu maxkamadda horteeda ka sheegay “inay markiiba raalligelin ka bixisay, ayna codsatay qaladka ka dhacay in laga cafiyo.”

Maxkamaddu waxay sidoo kale sheegtay, “Waqti dheer inay ku qaadatay raalligelin inay bixiso. Iyadoo raalligelinteeda ay shuruud la socotay. Hadalladeeduna ay ahaayeen kuwo uu kibir ka muuqday. Marka waa inay telefishinka qaranka hortagtaa oo ay raalligelin rasmi ah bixisaa. Mana aha inay arrinta dhayalsato, maaddaama ay afhayeen u tahay xisbi dhan.”

“Baaritaanka iyo dacwadda ku saabsan aflagaaddada loo geystay Nabi Muxammed (NNKH) ee haatan socda, waan sii wadi doonnaa,” ayay tiri maxkamaddu.

Related posts

Mareykanka Oo Soo Farageliyay Xiisadda Doorasho Ee Ka Taagan Dalka Kenya

Bnnstaff Bnnstaff

Raysal Wasaare Rooble Oo Kulan La Qaatay Taliyayaasha Ciidanka Somaliya Iyo Arimaha Ay Ka Wada Hadleen

Bnnstaff Bnnstaff

Ciidanka Dowlad Degaanka Oo Heegan Buuxa La Galiyay Kadib Dagaalkii Al-Shabaab

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More