Villa Somaliya Oo Shaacisay Iney Dhinteen Qaar ka Mid ah Dhalinyaro loo Geeyaay Eratariya Tababarka

Afhayeenka Madaxtooyada Soomaaliya Cabdikariin Cali Kaar ayaa markii ugu horeysay shaaciyay iney dhinteen qaar ka mid ah dhalinyaradii Soomaaliyeed ee tababarka loogu qaaday wadanka Eratariya.

Afhayeenka oo la hadlaayay Talefashinka Somali Cable ayaa sheegay ineysan jirin cid uga baahi badan dowladda Soomaaliya 5000 kun oo ciidan tababaran ah, islamarkaana dhawaan dalka dib loogu soo celin doono.

Waxuu intaa sii raaciyay Afhayeenka in dhalinyaradaasi qaarkood ay dhinteen, islamarkaana ay ka warqabaan waalidiinta kuwa dhintay iyo waliba kuwa nool, isagoona sheegay in dhalinta qaarkood ay si caadi ah u dhinteen kuwa qaarna ay tababarka dhexdiisa ku geeriyoodeen.
“Dowladda waqtigan cid uga baahi badan ma jirto dhalinyaradaasi tababaran, maadana ahmiyada dowladda madaxweyne Xasan Sheekh ay tahay mid culeys gaar ah saareysa dhanka amaanka, dhalinyarada Eratariya tababarka ugu maqan waan la keenaya dalka, kuwii nool qaarna waxay dhinteen mudadii ay tababarka ku jireen qaarna si caadi ah ayay u dhinteen waalid walbana waa ogyahay canugiisa inuu dhintay iyo inuu nool yahay waalidkii kama warqabo dhaho aniga ha ila soo xariiro” ayuu yiri Afhayeenka Madaxtooyada.

Hadalka Afhayeenka Madaxtooyada Soomaaliya ayaa imaanaya xili waalidiinta dhashay dhalinyarada 5000 ah ee ku maqan tababarka loogu qaaday dalkaasi Eratariya ay marar badan sameeyeen banaanbaxyo xoogan oo ay dowladda kaga dalbanayaan in caruurtooda dib loogu soo celiyo.

Related posts

Nin Muruq-Maala Oo Gudaha Hargeysa Ka Shaqeysta Oo Ka Dayriyay Xaaladda Danyarta Ee Xiligan

Bnnstaff Bnnstaff

Taliye Xijaar Oo Kulan La Qaatay Saraakiisha Ciidanka Booliiska Somaliya

Bnnstaff Bnnstaff

Deg Deg:-Xubnihii Komishanka Doorashooyinka Oo Gudaha u Galay Aqalka Wakiilada.

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More