Website-ka Ololaha Trump Oo la Jabsaday Iyo FBI-da Oo Baadhaysa.

Bogga Website-ka ololaha ee madaxweyanaha Mareykanka, Donald Trump, ku leeyahay internet-ka ayaa la jabsaday, waxaana lagu soo daabacay farriin u muuqatay mid aflagaaddo ku ah Mr Trump.
Kooxda Trump u qaabilsan ololaha lagu doonayo dib usoo doorashadiisa ayaa sheegay inay hadda baarayaan sababta keentay in lala wareego website-ka muhiimka ah.

Fariimo lagu baahiyay Website-ka muddadii ay gacanta ku hayeen kooxo burcadda internetayaa ayaa u dhignaa sidan “Adduunku wuu ka daalay wararka been-abuurka ah ee uu maalin kasta soo gudbiyo madaxweynaha Mareykanka”, iyadoo wax yar kaddib-na qoraalkaasi laga saaray Website-ka.

Mas’uuliyiinta maamuleysa ololaha Trump ayaa sheegay inaysan jirin xog xasaasi ah oo halkaas lagala baxay, maadaama aan waxba lagu keydinin boggaas”.

Sawirro laga soo qaaday fadeexadda ku dhacday ololaha Trump ayaa lagu faafiyay baraha bulshada, waxayna hay;adda Dambi Baarista Federaalka Mareykanka ee loo yaqaanno FBI-da iyo Waaxda Caddaaladda ay sheegeen in farriinta lagu soo bandhigay boggaas ay tahay war been abuur ah, boggana ay la wareegeen qolyo burcad ah.

“Waxaa la joogaa waqtigii dunida loo fasixi lahaa inay runta ogaato,” ayaa lagu yiri farriinta ay daabaceen qolyaha la wareegay bogga Trump.

Waxay sidoo kale sheegeen inay caddeymo u hayaan in maamulka Trump uu wax ka ogaa abuurista fayraska corona uuna faragalin ku hayo doorashada madaxweynaha ee la filayo inay dhacdo 3-da bisha November.

Farriintaas ayaa markaas kaddib lagu sheegay in xogtaas si loo bixiyo ay doonayaan lacag looga baddasho.

Ma jiraan wax caddeymo ah oo taageeraya hadallada lagu sheegay farriintaas, maamulka madaxweyne Trump-na waxay beeniyeen in xog muhiim ah halkaas laga qaatay.

“Website-ka ololaha Trump waa la jabsaday, laamaha amniga ayaana kala shaqeyneynaa sidii baaritaan loogu sameyn lahaa arrintaas ku saabsan weerarka. Ma jirto xog muhiim ah oo laga jabsatay bogga sababtoo ah wax macluumaad ah laguma keydiyo website-kan,” ayuu yiri agaasimaha waaxda warbaahinta ee Trump, oo lagu magacaabo Tim Murtaugh, oo la hadlay telefishinka CNN

Xafiiska Wararka BoramaNews
BoramaNews.com

Related posts

Daawo: Hordhaca Waraysi Xasaasiya Oo Uu Markii Ugu Horay Uu Bixiyay Fahad Yaasiin

Bnnstaff Bnnstaff

Madaxwayne Axmed Madoobe Oo Daahfuray Hanaanka Maamul Daadejinta Dowladaha Hoose

Bnnstaff Bnnstaff

Diyaaradaha Dagaalka Maraykanka Oo Duqaymo Ka Fuliyaya Somaliya Iyo Faahfaahino Ka Soo Baxaya Duqaymahaasi

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More