Ciidanka Kumaandooska xoogga dalka Soomaaliyeed ee DANAB Gaar ahaan Ururka 5aad Guutada 16 aad ayaa Howlgal Qorsheysan ka sameeyay Waqooyiga Magaalada Kismaanyo ee Xarunta Gobolka Jubbada Hoose..
Howlgalka ayaa Ciidamada sigaar ah uga sameeyeen degaannada kala ah Dheycabdi, mayoonde, Qudhac Madoobe, Koban, Araare iyo bandarjadiid oo kawada tirsan Gobolka Jubbada Hoose.
Saraakiisha howlgalka hoggaamineysay ee DANAB ayaa sheegay inay howlgalka ku burburiyeen Saldhigyo ay Al-Shabaab kulahaayeen Waqooyiga Kismaayo, isla markaana weerarada ay kasoo abaabuli jireen.
Sidoo kale waxaa ay sheegeen in howlgalka intii uu socday lagu soo saaray Sagaal Miino oo isugu jiray kuwa Istaaga iyo kuwa Fiilooyin lagu Qarxiyo, xilli dhowr jeer degaano kuyaalla Waqooyiga Magaalada Kismaayo ay qaraxyo ku qabsadeen Gawaari ay saarnaayeen dad Shacab ah.
