Waa Sidee Xaaladda Dhaawaca Ciyaaryahan Neymar?

Ciyaaryahan Neymar oo barooranaya ayaa soo fariistay kursiga keydka, kadib markii laga saaray ciyaartiiy xulkiisa Brazil ay 2-0 kaga badiyeen xulka Serbia.

Dhaqtarka kooxda Brazil, Rodrigo Lasmar, ayaa sheegay in Neymar uu ka dhaawacmay aanqowga lugta midig, wuxuuna intaas ku daray inay qiimeyn ku sameynayaan inta uu la’egyahay dhaawiciisu.

Tababaraha xulka qaranka Brazil Tite ayaa sheegay inuu ku kalsoon yahay in Neymar uu sii wadi doono ciyaaraha Koobka Aduunka, laakiin dhaqtar Lasmar ayaa sheegay inay degdeg tahay in laga hadlo inta uu la egyahay dhaawaca ciyaaryahankan.

Neymar oo sagaal jeer la jalfiyay kulankii Serbia, ayaa dhaawac soo gaaray qeybtii labaad ee ciyaarta, waxaana la bedelay daqiiqaddii 79aad.

Neymar ayaa sidoo kale ku dhaawacmay koobkii adduunka ee 2014, kaas oo ka dhacay waddankiia Brazil, waxaana tartankiisa uu ku dhamaaday dhaawac dhabarka ah oo kasoo gaaray ciyaartii wareega 8-da ee ay la ciyaareen wadddanka Colombia.

Brazil ayaa semi-finalka kusoo reebayy xulka Germany oo 7-1 ku garaacday.

Neymar, oo 30-jir ah ayaan weli koob weyn kula guuleysan xulka Brazil, marka laga reebo inuu ka caawiyay qaranka lagu neynaaso “Seleção” inay ku guuleystaan 2013 koobkii Confederations Cup.

AP.

Related posts

Midowga Yurub Oo Jaray Kala-Badh Mushaaraadka Ciidanka Kenya Ee Ku Sugan Gudaha Somalia

Bnnstaff Bnnstaff

Muuse Biixi Wuxuu Qabyaalad Ku Sitaa PHD,Waxaa La Samayn-Doona Dawlad Kumeel-Gaadha…”Faysal Cali Waraabe

Bnnstaff Bnnstaff

Xuutiyiinta Yeman Oo Jebiyey Difaacii Magaalada Marib Iyo Wada Hadalo U Bilawday Sucuudiga Iyo Iraan

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More