Dowlada Somaliya Oo Mar Kale Ka Hadashay Mowqifkeeda Madax-Banaanida Ay Sheegato Taiwan

Wasiirka Arrimaha Dibadda Xukuumadda Federaalka Soomaaliya Axmed Ciise Cawad ayaa mar kale ka hadlay mowqifka dowladda Federaalka ee ku aadan Madax-banaanida Taiwan ee bariga Qaaradda aasiya.

Wasiir Cawad oo wareysi siiyay Wakaladda Wararka Turkiga Anadolu News Agency ayaa waxaa uu sheegay in dowladda Soomaaliya ay kasoo horjeedo Madax banaanida ay sheegato Taiwan, isla markaana u aqoosan yihiin Jasiirad ka tirsan dalka Shiinaha.
Sidoo kale Wasiirka Arrimaha Dibadda Xukuumadda ayaa tilmaamay in dowladda Soomaaliya ay xoojineyso xiriirka ay la leedahay dowladda Shiinaha, ayna muhiimad weyn u leedahay tallaabadaas.

Isaga oo sii hadlaayay Wasiir Cawad ayuu tilmaamay in dowladda Soomaaliya ay mar kasta diyaar u tahay inay fuliso heshiisyadii horey u dhexmaray dowladda iyo Shiinaha, kaasi oo ku saleysan dhinacyo kala duwan.

Si kastaba dowladda Federaalka ayaa horey Taiwan ugu digtay inay ku xadgudubto Madaxbanaanida iyo midnimada Soomaaliya, kadib markii Taiwan ay heshiis toos ah la gashay Somaliland, una aqoonsatay dal Madax banaan.

Xafiiska Wararka BoramaNews
BoramaNews.com

Related posts

Raysal Wasaare Rooble “Cidkasta Oo Cabasho Ka Qabta Doorashada Waan Soo Dhawaynayaa”

Bnnstaff Bnnstaff

Madaxwayne Muuse Biixi Oo Magacaabay Xoghayaha Guud Ee Xisbiga Kulmiye

Bnnstaff Bnnstaff

Muuse Biixi Oo Qaabilay Wafti Ka Socda Dalka Jabuuti Iyo Ujeedada Socdaalka Waftigaasi

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More