Xildhibaanada Baarlamaanka dowlad Goboleedka Puntland ayaa kulankii 13-aad ee Kalfadhiga 47-aad Golaha ku yeeshay Magaalada Garoowe, waxaana shir guddoominayay Cabdirashiid Yuusuf Jibriil.
Xildhibaanada Baarlamaanka ayaa Akhrinta saddexaad qodob-qodob uga dooday Xeerka Isgaarsiinta iyo Khidmadaha Puntland , iyagoo ugu dambeyntiina cod gacan-taag ah ku ogolaadeen 36 Mudane, halka 1 mudane diiday, 1 mudanana ka aamusay
Lifaaqa Xeerka Isgaarsiinta ayaa si faah-faahsan uga hadlay Khidmadaha ay bixinayaan Isgaarsiinta, Boostada, Madbacadaha, Wargeysyada, Warbaahinta madax-banaan, Telefishinada iyo adeegyadda xiriirka ee ka hawl-gala Puntland.
Xeerka Isgaarsiinta Puntland oo ka koobnaa 38 Qodob ayaa lagu kordhiyey Qodobo muhiim ah oo ka hadlaya Iska hor-imaadka danaha isdiidan, shuruucda codsiga Ruqsada, Ganaax iyo Dhaqan-gal waxa uuna bedeli doona xeer sharci Lr. 15 ee 17-12-2007 kuna saabsanaa Isgaarsiinta iyo Khidmadaha.
Xafiiska Wararka BoramaNews
BoramaNews.com
