Dalka Cumaan waxaa ka jira kul xooggan oo waxaana xaraaradda cadceeddu gaartay 50 Digrii, waxaa joogsaday isu socodka Dadka halka meelaha qaar xoolihii la dhaqanayay dusha looga shubayo biyo si loo qaboojiyo.
Muuqaallo ku faafay baraha Bulshada waxaa ka muuqday Tiro Geel ah oo meel la isugu geeyay kaddibna lagu shubo biyo xooggan si dusha sare loogu qaboojiyo halka Gaadiidka Dadka la socda ay isticmaalayaan Mukeefka ku xiran.
Isbaddelka dhinaca Cimillada ayaa loo sababaynayaa in kuleelka badan dhaliyeen waxaana dib u dhacay roobkii waqtigaan oo kale ka da’i jiray Dalkaan Carbeed ee Cumaan sida ay sheegeen mas’uuliyiin katirsan Hay’adaha u xilsaaran la socodka isbaddelkaas cimillada.
Dalalka qaar ee Carbeed waxaa dhowaan saamayn taban ku reebay Daadad ka dhashay roob macmal ah oo Dowladahaas isku dayeen in ay samaysteen si ay isugu qaboojiyaan balse musiibo saamaysay ayuu ku noqday roobkaas.
Khubarrada qaar ayaa ku dooday in kulka badan uu sabab u yahay qaboojiyeyaasha lagu xiray Goobaha Ganacsiga & dhismaha kala duwan oo qaboolka u gudbaya goobahaas baddelkiisa bannaanka usoo bixiya kuleel badan sida ay hadalka u dhigeen
