Nin Isaga Oo Sujuudsan Ku Geeriyooday Masjid Ku Magaalada Muqdisho

Waxaa xalay Salaadii maqrib kahor Masaajid ku yaalla xaafad ka tirsan degmada Deyliine ee Gobolka Banaadir ku geeriyooday Sheekh kamid ahaa Jameecada Masaajidka, xili uu tukanayay Salaad.

Dad ku sugnaa Masjidka loo yaqaano Muumino Ceelbuur ee degmada Deyliine ee Muqdisho ayaa sheegay in Sheekhaas uu dhintay, xili uu u taagnaa dukashada Salaad Sunno ah.
Allaha u naxariistee Marxuumka dhintay oo magaciisa lagu sheegay Xuseen Cali ayaa dhintay tukanayay Salaad sunno ah kahor inta aan la aqamin salaadii Maqrib ee xalay, waxa uuna geeriyooday isaga oo u sujuudsan rakcada u dambeysa.

Jameecada Masaajidka ayaa u gurmaday oo isku toosiyay marxuumkan nasiibka badan ee geeriyooday isaga oo salaad ku jira, waxaana markii dambe Masaajidka tegay qaar kamid ah Ehelada Marxuum Xuseen oo qaaday Meydka.

Dadkii ku sugnaa asjidka loo yaqaano Muumino Ceelbuur ee degmada Deyliine ee Muqdisho ayaa Alle uga baryay Xuseen Cali inuu Janada ka waraabiyo, waxaana geeridaas ka naxay qaar kamid ah Jameecada.

 

Xafiiska Wararka BoramaNews
BoramaNews.com

Related posts

Waraysi :- Wasiir Qambi Oo Ka Waramay Hawlaha Naqshadaynta Magaalooyinka Somaliland

Bnnstaff Bnnstaff

Caaqil Cumar Cismaan Oo Si Adag Ula Hadlay Wasiir Koore Iyo Dhalinta Borama Lagu Xidhay Fariin Adagna Diray

Bnnstaff Bnnstaff

Hogaamiyihii Qoyska Ugu Balaadhanaa Dunida Oo Geeriyooday Iyo Tirada Caruurta Uu Ka Tegay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More