Hay’adda Sirdoonka iyo Nabad-sugidda ee NISA ayaa sheegtay inay deegaanka Ceelasha-Biyaha ku qabatay gaari laga soo buuxiyay walxaha qarxa.
“Ciidamada sida gaarka ah u tababaran ee ku sugan deegaanka Ceelasha-Biyaha ayaa gacanta ku dhigay gaari siday walxaha qarxa, waxaana la dilay darawalkii waday kadib markii uu isku dayay inuu baxsado.” ayaa lagu yiri qoraal lagu baahiyay bogga ay NISA ku leedahay shabakadda X oo hore u aheyd Twitter.
“NISA waxaa ka go’an ka hortagga iyo fashilinta dhammaan qorshayaasha ay argagixisadu isku dayaan inay dadka ku dhibaateeyaan.” ayuu raacisay qoraalkan.
Sawirada gaarin iyo muuqallo waxyaabaha qarxa ayaa sidoo lagu soo bandhigay bogga NISA.
