Jamhuuriga Oo Tallaabo Cusub u Qaaday Sidii Ay Xil-ka-Uga Qaadidi Lahaayeen Madaxwayne Biden

Mudanayaasha Xisbiga Jamhuuriga ee Aqalka Wakiilada ee Maraykanka ayaa lagu wadaa inay toddobaadka soo socda qabtaan fadhigii ugu horreeyey ee lagaga hadlayo, xil ka qaadista madaxweynaha Maraykanka Joe Biden.

Maadaama ay haystan aqlabiyad aad u yar, waa arrin aad u adag inay meel mariyaan xubnaha xisbiga Jamhuurigu, mooshinka ka dhanka ah madaxweyne Biden, kaas oo haddii ayba ansixiyaan ay maxkamadayntiisu ka dhacayso aqalka sare ee Senate-ka.

Guddida Kormeerka ee aqalka wakiillada ayaa la filayaa inay Khamiista dambe lafaguraan eedaha loo jeediyey Biden ee ku aaddan, inuu si khaldan u adeegsaday xilkiisa, xilligii uu ahaa madaxweyne ku xigeenka Maraykanka, isaga oo taageero u fidiyey ganacsiyada shisheeye ee wiilkiisa Hunter uu ku lug lahaa.

Xubnaha xisbiga Jamhuuriga ayaa sidoo kale ku eedeeyey Biden, inuu u adeegsaday xafiiskiisa inuu xidhiidhiyo dedaaladaas iyo inuu ka ilaaliyo wiilkiisa in baadhitaan lagu sameeyo.

Guddiyo kala duwan oo ay hoggaamiyaan xisbiga Jamhuuriga ayaa muddo bilo ah, waxay siyaabo kala duwan u baadheen eedahaas, hase ahaatee may celin caddaymo ku filan oo taageeraya sheegashooyinkooda.

Jerry Nadler oo ah mudane ka tirsan xisbiga Dimoqraadiga isla markaana xubin ka ah guddida garsoorka ayaa sheegay in xubnaha xisbiga Jamhuurigu inay lacago badan oo ay leeyihiin cashuur bixiyayaashu inay u adeegsadeen baadhisyo kala duwan oo aan sal iyo raad toonna lahayn, kuwaas oo ka dhan ah Biden iyo qoyskiisa.

Related posts

Siyaasi Geeljire Oo Si Adag U Naqdiyay Khubadii Madaxwayne Muuse Biixi Dhawaan Jeediyay

Bnnstaff Bnnstaff

” Waxaan Maanta Rabnaa Hogaamiye Dalka Ka Samata Bixin Kara Xaaladda Jira” Gudoomiye Cabdi Xaashi

Maamulka Puntland Oo War Ka Soo Saaray Dilal Ka Kala Dhacay Magaalooyinka Garoowe Iyo Boosaaso

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More