Madaxweynaha Jamhuuriyadda Federaalka Soomaaliya Xasan Sheekh Maxamuud ayaa madaxda Boqortooyada Ingiriiska kala hadlaya cunaqabateynta hubka ah ee Saaran Dalka iyo doorka Xukuumadda London ay ka qaadan karto sidii loo qaadi lahaa.
Madaxtooyada Soomaaliya oo faah-faahin hordhac ah ka bixisay kulamada Madaxweynaha Jamhuuriyadda Xasan Sheekh Maxamuud uu la qaadanayo Mas’uuliyiinta Ingiriiska uu kamid yahay Ra’iisul Wasaaraha Dalkaas Rishi Sunak & waxyaabaha ay kawada hadlayaan.
“Madaxweynaha Jamhuuriyadda ayaa waxyaabaha kale ee uu muhiimadda saari doonno waxaa kamid ah kulamada uu la qaadan doonno Madaxda Dowladda Ingiriiska oo kala hadlayo cunaqabataynta Hubka sidii Soomaaliya looga qaadi lahaa” Cabdulqaadir Cali Dige oo ah Agaasimaha Xafiiska Warfaafinta & Xiriirka Warbaahinta Madaxtooyada JFS.
Marka uu kulamada iyo shirka looga hadlayo kahortagga cunno yarida & aafooyinka Sababa waxa uu Madaxweyne Xasan Sheekh Maxamuud la kulmi doonnaa Jaaliyadda Soomaaliyeed ee Dalka Ingiriiska si uu uga dalbado garab istaagga howlgallada ka dhanka ah ‘AS’ iyo gurmadka Dadka daadadku saameynta taban ku reebeen.
