Xiisad Cusub Oo Ka Soo Cusboonaatay Duduudka Dalalka Kenya Iyo Itoobiya

Ugu Yaraan 10 qof oo u dhashay Kenya ayaa laxidhay, waxaana loo kaxeystay dhinaca Itoobiya xilli ay xisaad ka taagan tahay xadka labada dal.

Shacabka ku nool magaalada Mooyaale ee Kenya ayaa sheegay in ciidamo Itoobiyaan ah oo hubeysan ay kasoo tallaabeen xadka isla markaana ay gudaha usoo galeen dhinaca Kenya iyagoo ku raad joogo koox dhalinyaro ah.

Ciidamada Itoobiya waxay sheegeen in dhalinyaradan ay gabaad siiyeen xubno ka tirsanaa koox la yiraahdo OLF Shane kuwaas oo lagu eedeeyay inay ka dambeeyeen weeraro is xig xigay oo ka dhacay galbeedka iyo koonfurta Itoobiya.

Dadka deegaanka ayaa ciidamada Kenya ku eedeeyay inay daawanayeen markii ciidamada Itoobiya ay dhalinyarada ka dhex qabanayeen gudaha Kenya.

Kenya iyo dowladda kama aysan hadlin arrintani.

Militeriga Itoobiya ayaa haatan wadaa howlgallo ka wadaa koonfurta iyo waqooyiga Itoobiya kaas oo looga soo horjeedo kooxda OLF Shane, waxaana in maalmihii lasoo dhaafay uu dagaal culus ka dhacay deegaanada xadka xadka.

Horraantii bishan ayay aheyd markii, koox hubeysneyd oo ka tirsaneyd ururka OLF Shane ay 60 qof dileen halka ay dab qabadsiiyeen ilaa 20 guri oo ku yaalla deegaanno dhaca galbeedka Itoobiya.

Kooxda OLF Shane waxay horey uga tirsaneyd jabhadda Xoreynta Oromada ee OLF, taas oo heshiis nabadeed la gashay dowladda markii uu xilka qabtay Ra’iisul Wasaare Abiy Axmed.

 

Xafiiska Wararka BoramaNews
BoramaNews.com

Related posts

Madaxwayne Ku Xigeenka Puntland Axmed Karaash Oo Xilkii Ka Qaaday Wasiiradii Ugu Muhiimsanaa Ee Puntland

Murashax Cabdiraxman Ciro Oo Soo Dhaweeyay Go’aakii Maxkamada Sare Kana Hadlay Doorashada Madaxtooyada

Bnnstaff Bnnstaff

Nabadoon Lagu Dilay Magaalada Muqdisho Iyo Faahifaahino Ka Soo Baxaya Dalka Nabadoonka

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More