Markab Saliida Qaada Oo Ku Qarxay Mid Ka Mid Ah Dekedaha Dalka Sucuudiga

Qarax xooggan ayaa ruxay Markab saliidda qaada oo ay maamusho shirkad laga leeyahay dalka Greece, kaasi oo ku xirnaa dekedda Shuqaiq ee dalka Sacuudi Carabiya, waxaa sidaas sheegay saraakiil Greek ah.

Mas’uuliyiinta Sacuudiga ayaa weerarkan ku eedeeyey kooxda Xuutiyiinta dalka Yemen.
Markab Agrari, oo sita calanka dalka Malta, ayaa “waxaa weeraray koox aan la garaneyn” isaga oo isku diyaarinaya inuu ka shareecdo dekedda Badda Cas ku taalla ee Shuqaiq, sida ay sheegtay shirkadda Greek ee TMS ee maamusha.

Shirkadda waxay sheegtay in wax khasaare dhaawac ama dhimasho ah aysan ka dhalan weerarka. Markabka ayaa waxaa saarnaa 25 shaqaale, oo toddoba ka mid ah ay u dhasheen dalka Greece.

Waxaa socda baaritaan ay mas’uuliyiinta Sacuudiga ku sameynayaan dhacdadan, inkasta oo ay ku eedeeyen kooxda Xuutiyiinta ee dalka Yemen.
Markabka ma sidin wax saliid ah markii uu weerarka dhacay, sida ay sheegeen mas’uuliyiinta Greece.

Xuutiyiinta ayaa dhowr jeer ka fuliyey dalka Sacuudiga weeraro khasaare xooggan gaystay, ayaga oo sanadkii tegay weeraray xarumaha shidaalka laga soo saaro ee magaalada Riyadh.

Xafiiska Wararka BoramaNews
BoramaNews.com

Related posts

Ka Faa’idayso Fursad Qaaliya Oo Gurigaaga Ku Baro Quraanka Kariimka

Bnnstaff Bnnstaff

Dowlada Somaliya Oo War Ka Soo Saartay Weerar Ay Alshabaab Ku Qaaday Degmada Wisal Ee Gobolka Mudug

Bnnstaff Bnnstaff

Sirdoonka Maraykanka Oo Shaaciyay Cida Bixisay Amarkii Lagu Dilay Jamaal Khashoggi Iyo Sucuudiga Oo Ka Jawaabay

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More