Borama News Network

Ku Dhowaad 100 Meydadka Muhaajiriin Laga Soo Saaray Badweynta Atlaantikada

Ilaalada xeebaha Mauritania ayaa Isniintii ilaa 89 meydadka muhaajiriin kasoo saaray doon ay saarnaayeen oo ku qallibantay Badweynta Atlaantikada.

Sagaal qof – oo ay ku jirto gabar shan jir ah – ayaa lasoo badbaadiyay, balse dhowr kale ayaa maqan.

Dadka badbaaday ayaa sheegay in doonta – oo ahayd mid kalluumeysi – ay toddobaadkii hore kasoo shiraacatay xadka Senegal iyo Gambia iyadoo ay saarnaayeen ilaa 170 qof. Waxay ku quustay xeebta koofur-galbeed ee Mauritania.

Mauritania ayaa marin muhiim ah u ah tahriibayaasha isku dayaya inay gaaraan Yurub kana imaanaya Galbeedka Afrika, iyadoo kumannaan kun oo doomood ay sanadkii hore ka tageen dalkaas.

Meesha ugu badan ee ay hiigsadaan muhaajiirintan ayaa ah Jasiiradaha Canary ee Spain.

Dowladda Spain ayaa sheegtay in ku dhowaad 40,000 oo qof ay sanadkii hore tageen halkaas – waana labalaabka tiradii sanadkii ka horreeyay.

Related posts

Ciidamada Yahuuda Oo Caruur Ku Laayay Magaalada Rafax Ee Dalka Falastiin

Abdiaziz Bnnstaff

DEG DEG:- “Cid qori sidata ama la soo gali kartaa Gudaha Ceerigaabo ma jiri karto”.

Abdiaziz Bnnstaff

Maamulka Puntland Oo Maanta Xukun Dil Ah Ku Fuliyay 10 Qof Oo Ka Tirsanaa As

Abdiaziz Bnnstaff