Murashaxiinta Madaxwayne Ee Somaliya Oo Aqbalay Codsi Xasaasiya Oo Uga Yimid Madaxwayne Qoor Qoor

Madaxweynaha dowlad Goboleedka Galmudug Axmed Cabdi Kaariye Qoorqoor ayaa xalay kulan gaar ah Musharaxiinta xilka Madaxweynaha Soomaaliya kula qaatay hotelka Jasiira ee Magaalada Muqdisho.

Kulanka oo saacado dhowr ah qaatay ayaa waxaa looga hadlay arrimo ku aadan khilaafka Madaxda dowladda Federaalka iyo Musharaxiinta Madaxweynaha iyo xaaladda siyaasadeed ee xiligaan uu dalka uu ku jiro.

Madaxweyne Qoorqoor oo maalmihii lasoo dhaafay waanwaan ka dhex-waday Madaxda dowladda iyo Musharaxiinta ayaa Codsaday Musharaxiinta in isaga iyo Dowladda uu dhexmaro wadahadal uuna isaga garwadeyn ka noqon doono.
Falanqeyn kadib Musharaxiinta ayaa Madaxweynaha Maamulka Galmudug Axmed Cabdi Kaariye ka aqbalay Codsigii uga yimid ee ahaa inuu dhex dhexaadiyo labada dhinac, isla markaana khilaafyada jira lagu dhammeeyo wada-hadal.

Madaxda dowladda iyo xubnaha Musharaxiinta ayaa xiligaan waxaa ka dhexeeya khilaaf meel adeg gaaray oo ku aadan guddiyada heer Federaal iyo heer maamul Goboleed ee la magacaabay, waxaana Guddiyadaas lagu sheegay inay ku jiraan xubno ka tirsan NISA.

Sidoo kale Musharaxiinta ayaa dalbaday in la kala diro Guddiyada doorashooyinka dalka, sidoo kalena xilka la qaado taliyaha Hay’adda NISA Fahad Yaasiin oo ay ku tilmaameen inuu wado ololaha Doorashada Madaxweyne Maxamed Cabdullaahi Farmaajo.

Xafiiska Wararka BoramaNews
BoramaNews.com

Related posts

Gudiga Dhaqaalaha Ee Golaha Wakiilada Somaliland Oo Bilaabay Dooda Xeerka Caymiska

Bnnstaff Bnnstaff

“Saajin Waxaan Leeyahay Yaan La Isku Kiin Garaacin Adiga Iyo Saajin Ee U Tanaasul” Xildhibaan Obsiiye

Bnnstaff Bnnstaff

Borama:- Saex Caruur Ah Oo Walaalo Ah Oo Ku Geeriyoday Dab Ka Kacay Gurigooda

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More