Wasiirka Arrimaha Dibadda Somalia Oo Kulan La Qaatay Safiir Tarsan Oo Ku Soo Laabtay Muqdisho

Wasiirka Arrimaha Dibadda iyo Iskaashiga Caalamiga, Maxamed Cabdirisaaq Maxamuud Abuubakar, ayaa maanta oo Isniin ah kula kulmay xafiiskiisa Wasaaradda ee Caasimadda Muqdisho, Safiirka Jamhuuriyadda Federaalka Soomaaliya u qaabilsan Jamhuuriyadda Kenya, Maxamuud Axmed Nuur Tarsan kadib markii loogu yeeray shalay oo Axad ahayd inuu dalka dib ugu soo laabto, si loola yeesho wadatashi ku qotoma xiriirka Soomaaliya iyo Kenya.

Wasiirka Arimaha Dibada iyo Iskaashiga Caalamiga ayaa talooyin iyo tilmaamo siiyay Safiirka si uu u fuliyo, lana socdo, halka Danjire Maxamuud Tarsan uu wasiirka uga warbixiyay xaaladihii ugu dambeeyay.

Waxaa xusid mudan in Wasaaradda Arrimaha Dibadda ay ugu yeeratay Safiirkeeda Nairobi wadatashi, halka Safiirka Kenya ay ku wargelisay in uu dib ugu laabto dalkiisa, iyadoo ka jawaabeysa faragelinta qaawan ee kenya ay ku hayso arrimaha gudaha Soomaaliya gaar ahaan Jubbaland.

Dowladda Soomaaliya ayaa dalka ka cerisay Safiirkii dalka Kenya u joogay Magaalada Muqdisho Lucas Tumbo, halka dowladda ay u yeertay Safiir Maxamuud Axmed Nuur Tarsan oo soo gaaray Caasimadda dalka ee Muqdisho, waxaana dowladda Soomaliya ay Kenya ku eedeysay ay fara-gelin ku heyso arrimaha maamulka Jubbaland.

Xafiiska Wararka BoramaNews

BoramaNews.com

Related posts

Siyaasi Cabdilaahi Dahab Oo Shaaciyay In Uu Ka Tanaasulay Murashaxnimadiisii Xisbiga Wadani

Bnnstaff Bnnstaff

Dowlada Koonfur Africa Oo Xayiraado Cusub Ku Soo Rogtay Dalkaasi Iyo Cabsi Laga Qabo Covid 19

Bnnstaff Bnnstaff

Madaxwayne Farmaajo Oo Maanta Kulan La Qaadanaya Amiirka Dalka Qatar

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More