Wasiirro katirsan Xukuumadda Benjamin Netanyahu ayaa billaabay in ay iska casilaan xilalka ay hayaan kaddib markii dagaallada ka socda dhulka Falastiin uu kusii adkaaday maalinba maalinta ka dambaysa mar haddii aanay si sahlan usoo afjarmayn.
Benny Gantz oo kamid ahaa Wasiirrada Metalayay Isbahaysiga Midigta fog ee loogu yeero kuwa dhexdhexaadka ah, waxa uu mar qura shaaciyay go’aanka wadna qabadka ku noqday Ra’iisul Wasaaraha Israaiil Benjamin Netanyahu.
Cabsi iyo kala shakin wayn ayaa soo dhexgashay Xukuumadda Wasiirrada Dagaalka ee Netanyahu, waxa uu billaabay Benjamiin in uu raadiyo xalka ka damin kara xaaladahaan adage e ay wajahayso.
Benny Gantz ayaa horay uga digay is casilaadiisa haddii uusan Natanyahu la iman istaraatiijiyad cad oo ku aaddan Gaza, xilli Isra’il ay sii wadday dagaal millatari oo ay ku dishay tobnaan kun oo Falastiiniyiin ah oo u badan dumar iyo carruur.
