Carruurta ku nool Magaalada Gaza ayaa sanadkii labaad oo xiriir ah aadin Goobaha Waxbarashada maadaama Ciidanka Israa’iil ay burburiyeen Dugsiyadii ay dhiganayeen sida lagu sheegay Daraasad lagu sameeyay dhanka xaaladdooda tacliinta.
Dhowaan waxaa inta badan Caalamka dib loo furay Goobaha Waxbarashada oo waxaa si toos ah u billowday Sanad dugsiyeedka 2024/25 balse Carruurta reer Gaza iskaba dhaafee in ay tacliin helaan ma haystaan nabadgalyo iyo cunno.
“Waxa aan ku nool nahay xeradaan, Carruurteennu ma haystaan Goobaha Waxbarashada, Da’ ahaan waxa ay u dhaxeeyaan in ka badan 10 sano, Goobaha Waxbarashada waxaa galay oo Dad ku dilay Ciidanka Israa’iil, waa cabsi weyn oo sababtay in Carruurtayada si aan u kala fogaan isla wada joogno” Sidaasi waxaa Warbaahinta u sheegay mid kamid ah Waalidiinta Carruurtooda Waxbarasho la’aanta heysato.
Ciidanka Israa’iil oo aan u kala soocnayn Goobaha Waxbarashada, Caafimaadka, Xeryaha ay degen yihiin Dadka Barakacayaasha iyo meelaha colaaddu ka taagan tahay ayaa beegsaday dhammaan goobahaas, waxa ay ku dileen tobanneeyo ruux oo rayid ah, mana jiro xeer qabanaya ciidankaas tacadiga geysanaya.
