Ciidanka Israaiil ayaa sii kordhiyay howlgallada ay ka wadaan Magaalada Gaza kuwaas oo ay ku dhibaateeyeen Dadka Rayidka ah waxaana mid kamid ah dhacdooyinkii ugu dambeeyay ee dhacay ku naf waayay ugu yaraan 42 ruux oo 37 kamid ah ay yihiin Haween iyo Carruur.
Militariga Israaiil ayaa Dadkaan ku beegsaday goob ay joogeen waxaana ay u bartilmaameedsadeen si arxan-darro ah kana fog bani aadamnimada iyo xeerarka kale ee lagu xakamaeeyo ciidamada sida hadalka loo dhigay.
Agaasimaha Xafiiska Warfaafinta Dhaqdhaqaaqa Xamaas ee Magaalada Gaza Ismaaciil Al-Tawaabta ayaa sheegay in ciidamada Yuhuudda dil wadareed ay u gaysteen Dadkaan rayidka ah iyaga oo ku garaacay hubka culus.
Ismaaciil ayaa intaas ku daray in 24 kamid ah Dadkaas ay ku dhinteen hal guri taasina ay muujinayso in ay xigto ay ahaayeen ama ugu yaraan ay deris ahaayeen dadkaas dhintay inkasta oo baaris ay wadaan dhankooda si loo aqoonsado.
Ciidanka Israaiil ayaa si joogta ah waxa ay madaafiic culus ugu tuuraan xaafadda Al-Tuffaax oo kamid ah xaafadaha dagaallada culus ku qabsadeen Yuhuudda isla markaana looga dilay Askarta badan loogana dhaawacay kuwo kale.
