Wararka ka imaanaya magaalada Gaalkacyo ee xarunta gobolka Mudug ee dowlad gobaleedka Puntland ayaa sheegaya in saaka halkaasi lagu dilay nin ganacsade ah oo aad looga yaqaan magaalada.
Dilka ayaa waxaa gaystay Dabley hubaysan oo aan weli haybtooda la aqoonsan, iyaga oo waqooyiga magaalada Gaalkacyo ee gobolka Mudug ku dilay Alle ha u naxariistee marxuum Axmed Tahliil oo kamid ahaa ganacsatada magaalada, kaas oo la sheegay in muddo uu halkaas ku ganacsanayey .
Goobjoogayaal la hadlay warbaahinta ayaa u xaqiijiyey in kooxda dilka fulisay kuwaas oo watay gaari ay durbadiiba goobta isaga baxsadeen, iyaga oo aan lagu guulaysan soo qabashadooda.
Laamaha Amniga oo gaaray goobta uu ka dhacay dilka illaa hadda kama aysan hadlin dilkaan, waxa ay sheegeen in ay wadaan baaritaan, ayna ku raadjoogaan dablayda dilka gaysatay, waxa ay sheegeen in gadaal ka soo saari doonaan warbixinta oo dhameestiran.
Magaalada Gaalkacyo ayaa muddooyinkii ugu dambeeyay waxaa laga dareemayay nabad, iyada oo dadka deegaanka dhaxda u xirteen sidii magaalada nabad loogu soo dabaalihii, ka dib sannado ay magaalada marti galisay dilka loo gaystay dadka haldoorka ka ah magaalada.
