Waxaan weli xal laga gaarin dagaal beeleedyo maalmihii la soo dhaafay ka dhacayay gobolka Doollo ee dowlad deegaanka Soomaalida ee dalka Itoobiya, kuwaas oo ay ku dhinteen dad ka badan toban qof, tiro intaa ka badnna ay ku dhaawacantay.
Isku dhacyadaan oo ka taagan deegaanka Caado ee gobolka Doollo ayaa xogta aan helayno waxay sheegaysaa in labada beelood ee walaalaha ah ay isku hayaan dhul gaarahaan aag laga qadayay baraago.
Waxaa socda waan-waan iyo isku dayo kala duwan oo ka imaanaya maamulka dowlad deegaanka iyo madax dhaqameedka gobolka oo lagu daminayo colaadda halkaa ka taagan sida uu BBC-da u sheegay mid ka mid ah nabadoonnada deegaanka.
Inkastoo dadaalladas nabdeed ay socdaan haddana weli waxaa taagan xiisad ka jirta goobihii lagu dagaallamay, taasoo abuuraysa cabsi ah in mar kale dagaal dhici karo.
