Maamulka dalka Itoobiya ayaa sheegay in ay xayiraad ku soo rogayaan soo dejinta dhammaan gawaadhida gaarka loo leeyahay ee ku shaqeeya shidaalka si ay hoos ugu dhigaan ku tiirsanaanta shidaalka, xilli dalkaasi ay soo food saartay dhaqaale yari ba’an.
Wasiirka gaadiidka iyo saadka Alemu Sime oo la hadlayay xildhibaanada baarlamaanka Adis ababa ayaa sheegay in dowladu ay dooneyso in ay dhiiri galiso isticmaalka gawaarida korontada ku shaqeeya.
“Itoobiya ma soo saarto shidaal. Waxay soo dejisaa shidaalka iyadoo adeegsanaysa kaydka lacagta qalaad ee aadka u kooban. Dhanka kale, waxaan soo saareynaa koronto badan,” Alemu wuxuu yiri kordhinta korontadu waa mid la awoodi karo. Sida laga soo xigtay Hay’adda Supply Petroleum ee Itoobiya, oo ah hay’adda dawladda u xilsaaran soo iibinta shidaalka, in ka badan $4 bilyan oo doolar ayaa loo baahan yahay si loo daboolo baahida shidaalka ee dalka sannad-maaliyadeedkan.
Itoobiya ayaa sannadihii u dambeeyay la halgamaysay sidii ay u soo jiidan lahayd maalgashi shisheeye inkasta oo uu dhammaaday dagaal sokeeye oo ba’an oo ka dhacay waqooyiga gobolka Tigray, iyadoo heshiis nabadeed la saxeexay dabayaaqadii 2022. Colaadaha sii socda ee qaybaha kale ee gobolka ayaa hoos u dhigay sumcadda waddanka oo ah aag ku haboon maalgashiga. .
Iyada oo ay jiraan ilo tamareed oo dhowr ah oo laga heli karo Itoobiya, u gudubka baabuurta korontada ayaa dhaqaale ahaan micno samaynaysa, sida uu sheegay Alemu. Dalku hadda waxa inta badan baahidiisa korontada ugu tiirsan yahay ilaha tamarta laga dhaliyo. Iyada oo lagu muransan yahay biyo-xidheenka weyn ee Itoobiya ee GERD oo ku saabsan Niilka Buluugga ah ayaa la filayaa in uu dhaliyo 5000 megawatt oo koronto ah marka uu si buuxda u hawl galo, Addis Ababa waxa ay rajaynaysaa in ay sare u qaaddo daboolka korontada ee dalka oo dhan.
Si kastaba ha ahaatee, tillaabada ay dowladdu ku mamnuucday baabuurta ku shaqeeya tamarta shidaalka ayaa dhaleeceyn kala kulantay-gaar ahaan isticmaaleyaasha baraha bulshada-maadaama qeybinta korontada ee dalku ay tahay mid aan la isku halayn karin.
