Dowladda Rwanda ayaa ku dhawaaqday in ay xirtay in ka badan 4,000 oo kaniisadood kuwaas oo ku xad gudbay shuruucda caafimaadka dadka iyo badbaadada dalka.
Kaniisadahan, oo la xiray bishii hore, ayaa lagu helay in ay ku xad-gudbeen shuruucdii, oo ay ku jiraan rakibidda qalabka cod-bixinta.
Inta badan kaniisadaha la xiray ayaa ah kuwa ‘Kirishtanka, iyo goobo ay cibaado u asteeyeen oo ku teedsan jiinka webiga.
“Tallaabada noocaan oo kale ah looma qaadin si bulshada looga hor istaago inay soo gutaan cibaadadooda, balse waa in la sugo ammaanka iyo xasiloonida cibaadada,” maamulaha deegaanka Jean-Claude Musabimana ayaa u sheegay warbaahinta dowladda.
Qaar ka mid ah kaniisadaha xiran waa teendhooyin iyo goobo yaryar oo ay ka dhalan karaan caafimaad darro, taas oo khatar gelineysa jameecada, ayuu yiri maamulaha Jean-Claude.
Xiritaanka kaniisadaha ayaa yimid kadib markii 2018 la soo saaray sharci xadidaya sidoo kale ka warqabaya badqabka iyo tayo dhowrka xarumaha cibaadada kuwaas oo ay iyana saxiixeen.
Dhanka kale sharciga ayaa dhigaya in daaciyaasha kaniisadaha ay qaataan tababar diimeed kahor inta aysan masuul ka noqon goobaha cibaadada, ama aysan dhisin kaniisad.
