Wararka ka imaanaya gobolka Jubada Hoose ayaa sheegaya in Al-Shabaab saaka weerar ku qaadeen goobo ay ku sugnaayeen ciidamada xoogga dalka Soomaaliya, gaarahaan deegaan lagu magacaabo Harboole oo u dhow degmada Afmadow.
Warbaahinta afka dowladda Soomaaliya ku hadasha ayaa sheegtay in Al-Shabaab lagu jabiyay weerar ay soo qaadeen isla markaana khasaare la gaarsiiyay.
Dhanka kale warbaahinta taageerta Al-Shabaab ayaa iyaguna baahiyay in Shabaab ay ciidamo ka tirsan kuwa Jubaland ay kala wareegeen deegaanno ka tirsan Jubada Hoose oo ay ka mid yihiin deegaannada Harboole iyo Buulo Xaaji.
Marka laga yimaado sheegashooyinka labada dhinac ma jirto ilaa iyo hadda cid si madax bannaan u xaqiijinaysa sida wax u dhaceen iyo khasaaraha ka dhashay .
