Madaxa jamhuuriyadda Dagestan ee koonfurta Ruushka ayaa sheegay in ciidamada ammaanku ay dileen lix ka mid ah dableydii weerarka soo qaaday oo sida muuqata ka soo abaabulay magaalooyinka Derbent iyo Makhachkala.
Sergei Melikov ayaa sheegay in ugu yaraan toddobo iyo toban qof ay ku dhinteen weerarradaas, oo intooda badan ay ahaayeen askar booliis ah, oo ay ku jireen waddaaddo kaniisadeed.
Weriye BBC-da ka tirsan sheegaya in ammaanka Makhachkala uu yahay mid aad loo adkeeyay ka dib wax lagu tilmaamay fal argagaxiso oo halkaa ka dhacay. Inta badan Muslimiinta Dagestan waxa ay goob joog ka ahaayeen weeraro hore oo ay gaysteen kooxo Islaamiyiin ah.
Walaaca ammaanka ee Ruushka ayaa sii kordhayay wixii ka dambeyay weerarkii lagu qaaday hoolka Crocus City ee Moscow bishii Maarso ee aynu ka soo gudubnay.
