Kooxda Xuutiga ah ee Yemen ayaa duqeymo culus ku garaacday Magaalada Tel Aviv si gaar ah Garoonka Diyaaradaha Ben Gurion oo gabi ahaanba ay joojiyay shaqadii duullimaadka ee joogtada ahaa ka bixi jiray iyo kuwii degi jiray.
Afhayeenka Xuutiyiinta Yaxya Sariic ayaa sheegay in 48dii saac lasoo dhaafay ay dhowr jeer weerareen Garoonka Diyaaradaha Ben Gurion oo ugu dambeyn Cadawga uu ku qasbanaaday in uu joojiyo duullimaadkii ka baxayay.
Fariin uu u diray shirkadaha Diyaaradaha waxa uu ku wargeliyay in ay joojiyaan duullimaadka Garoonkaas si ay uga fogaadaan waxyeellada kasoo gaarta sidaas awgeed kooxdu u sheegtay in ay ka feejignaadaan sida uu hadalka u dhigay.
Gantaallada casriga ah ee Xuutiyiinta Yemen ayaa gaaray dhul ay Israa’iil ku faanto oo dhowr jeer ku celcelisay in uusan gaari Karin balse duqeymo culus ay ku beegsatay Kooxdaan fadhigeedu yahay Jamhuuriyadda Yemen.
