Golaha Wakiillada ee Jamhuuriyadda Iskeed ugu Dhwaaqday Madaxbannaanida ee Somaliland ayaa saaka shir albaabbadu u xidhan yihiin uga socdaa xaruntooda magaalada Hargeysa.
Ma jiro war rasmi ah oo ka soo baxay weli shirkan albaabbadu u xidhan yihiin ee mudaneyaasha Golaha Wakiillada, hase yeeshee fadhigii caadiga ahaa ee saaka golahaasi lahaayeen ayaa warbaahinta dibedda looga saaray, iyada oo loo sheegay in goluhu leeyahay kulan gaar ah.
Kulankan ayaa wararku sheegayaa in lagaga hadlayo socdaalka raysal wasaaraha Soomaaliya Xamse Cabdi Barre ee Magaalada Laascaanood iyo mowqifka uu golahaas ka qaadanayo, inkasta oo wararka qaar sheegayaan in hawlo shaqo ee golahaas lagaga doodayo fadhigan.
Waxa la filayaa in war laga soo saaro kulankan u socda mudaneyaasha Golaha Wakiillada Somaliland, oo uu shirguddoominayo guddoomiyaha golahaas Yaasiin Xaaji Maxamuud Xiir (Faratoon)
