Guutada Al-Qassam ee garabka militariga Xamaas ayaa ku dhawaaqday in ay Tel Aviv ku garaacday “gantaalka salvo” iyaga oo ka jawaabaya “xasuuqa ka dhanka ah dadka rayidka ah,” waxaana seedhiga digniinta gantaalaha laga maqlay melo ka tirsan koonfurta iyo badhtamaha Israa’iil.
Seedhigi digniinta ayaa laga dhawaajiyey guud ahaan Tel Aviv iyo ilaa 30 deegaan iyo magaalooyin, ka dib markii gantaalka salvo Marinka Qasa lagaga soo tuuray bartamaha Israa’iil, sida uu sheegay taliska jiidda hore ee ciidanka Israa’iil.
Warbaahinta Israa’iil ayaa ku warantay in nidaamka difaaca hawada ee Iron Dome uu ka hortagay gantaalada lagu garaacayo magaalada Tel Aviv, iyadoo xustay in gantaalada laga soo riday deegaano ku yaala koonfurta marinka Qasa, halkaasi oo ciidamada Israa’iil ay ka wadaan howlgalo militari.
