Madaxweynihii hore ee Mareykanka ayaa markii ugu horraysay tan iyo markii uu ka tagay Aqalka Cad, waxa uu dhalleecayn u soo jeediyay nidaamka maamul ee madaxweynaha isaga beddelay ee Donald Trump.
Shir uu ku qabtay magaalada Chicago ayaa Biden waxa uu ka sheegay in dawladdu ay “xakameysay” nidaamka badbaadada bulshada, taas oo Donald Trump iyo Elon Musk – oo hoggaaminaya dadaallada dhimista kharashaadka Aqalka Cad – ay ku andacoonayaan in uu yahay khiyaano.
Maamulka Trump ayaa doonaya in uu dhimo shaqaalaha hay’adda ka mas’uulka ah kharash dhan $1.6 trillion (£1.2 trillion) ee faa’iidooyinka sannadkii.
Biden ma uu xusin magaca Trump intii ay socotay khudbaddiisu, Talaadadii, laakiin wuxuu yidhi: “Wax ka yar 100 maalmood, maamulkan cusub wuxuu geystay waxyeello badan iyo burbur aan yarayn. Waa nooc nafis ah.”
