Madaxweyneyaasha dalalka Kenya iyo Uganda ayaa qorsheyanaya in ay kulan siiyaan Madaxweynaha Dowladda Federaalka Soomaaliya, Xasan Shiikh Maxamuud iyo Ra’iisul wasaaraha Itoobiya, Aby Axmed.
Madaxweynaha Kenya, William Ruto oo ka hadlayay Shir Madaxeedka 24-aad ee dalalka Bulshada Bariga Afrika (EAC) ayaa sheegay in isaga, Madaxweynaha Uganda Yoweri Museveni, Madaxweynaha Soomaaliya Xassan Shiikh Maxamuud, iyo Raysal-wasaaraha Itoobiya Abiy Axmed ay ka wada hadli doonaan si loo yareeyo xiisadda ka jirta Geeska Afrika.
“Madaxweyne Musaveni, aniga, Walaalkeey Xasan Sheekh iyo Abiye Axmed ayaa qorsheynayna in aan kulano. Si hoos loogu dhigo xiisada gobolka. Sababtoo ah amniga Soomaaliya waxuu qeyb ka qaataa deganaanta iyo xasiloonida gobolka” ayuu yiri Madaxweynaha Kenya, William Ruto.
