Borama News Network

Madaxweynaha Soomaaliya oo sheegay in ay “dambi” tahay haddii qofku uu waco qof ehelkiisa ah oo Al-Shabaab ku jira

Madaxweynaha Soomaaliya Xasan Sheekh Maxamuud ayaa sheegay in ay dambi tahay in qofku uu xiriir wicitaan ah la sameeyo qof ay ehel ama qaraabo yihiin oo ku jira Al-Shabaab ama isaga lala soo sameeyo.

“Kuma soo wici karo ma wici kartid waa dambi ogow, “ ayuu yiri madaxweyne Xasan.

Wuxuu sheegay in qofkaas haddii la ogaado inuu wacay qof Shabaab ku jira ama isaga la soo wacay uu qabanayo sharciga la dagaallanka argagixisada isla markaana maxkamad lagu gayn doono arrintaa.

Madaxweynaha dowladda federaalka Soomaaliya ayaa carrabka ku adkeeyay in aan lala macaamili karin Al-Shabaab, maadama sida uu sheegay uu jiro sidoo kale xeer ku saabsan cunna-qabateynta xadidan oo saran ururada ka soo horjeeda dowladda.

Hadalkaan ayaa madaxweyne Xasan ku sheegay muuqaal lagu baahiyay barta Facebook ee Telefishinka Qaranka Soomaalia.

Related posts

Booliska Jubaland oo gacanta ku dhigay koox arday ka tahriibineysay deegaannada maamulkaas

Abdiaziz Bnnstaff

Fanaanada caanka ah ee heesta ku soo ammaantay gabdhaha Soomaalida oo la xiray

Abdiaziz Bnnstaff

Maxamuud Xaashi Waxa Saxada Ugu Dambaysay Markii Uu Sheegay Inuu Hawada Wareejiyey..Siyaasi Jiir

Abdiaziz Bnnstaff